Turistë nga e gjithë bota zgjedhin të vizitojnë me kamper Shqipërinë

Turizmi me kamper është një mundësi ideale për të shijuar dhe vizituar disa atraksione turistike. Në Vlorë, gjatë këtyre ditëve të nxehta, numri i tyre është rritur ndjeshëm.

Nga Italia, Holanda, Gjermania, Belgjika apo edhe Sllovenia, turistët kanë zgjedhur Vlorën për të eksploruar qytete të ndryshme, por edhe gjithë jugun e vendit.

“Ne jemi nga Holanda dhe jemi këtu me një kamper, një automjet katër herë katër. Nuk jemi shumë të sigurt se sa do qëndrojmë, ndoshta një ose dy javë, sepse po lëvizim nga vendi në vend. Kemi vizituar qytetin dhe plazhet, shumë bukur.” –thotë një turist nga Holanda.

“Është hera e tretë që vijmë këtu. Na pëlqen deti, çmimet dhe njerëzit janë shumë të sjellshëm. Kjo është dita jonë e dytë dhe do të rrimë rreth një javë. Më pas do të shkojmë në jug të vendit dhe më pas drejt Greqisë, Lefkada.”-shprehet një tjetër turiste .

“Është dita e tretë që qëndroj në këtë vend, ndërsa në Shqipëri kam një javë dhe tre ditë që qëndroj. Më pëlqen shumë natyra, është shumë e bukur dhe befasuese. Dallimet ndërmjet fshatrave janë shumë mbresëlënëse. Do të qëndrojmë këtu gjatë natës dhe më pas do të vazhdojmë udhëtimin tonë.” –thotë një turiste gjermane.

Vlora është një nga qytetet ku turistët e huaj zgjedhin të pushojnë, por jo vetëm.

Ata vijojnë eksplorimin në të gjithë vijën bregdetare të jugut. Këta vizitorë kanë udhëtuar në disa shtete, përfshirë Shqipërinë, dhe ajo çfarë kanë gjetur është vlerësuar maksimalisht, duke menduar rikthimin.

LEXONI GJITHASHTU:

• Rama nga Himara për turizmin në vend: Numri është rritur me 150%, ka shumë ofertë
• Masat kundër turizmit masiv: Nga e enjtja, Venecia kufizon numrin e vizitorëve