4.5 milionë turistë vendas dhe të huaj kanë vizituar zonat e mbrojtura në vitin 2023.
Pavarësisht ecurisë së mirë të turizmit në vend duket se ai natyror ka pësuar tkurrje në raport me vitin 2022.
Ministria e Turizmit dhe Mjedisit në statistikat e saj periodike pranon se ka një rënie të lehtë me 1,7% të vizitorëve në zonat e mbrojtura , sipas shifrave që ka raportuar Agjencia Kombëtare e Zonave të Mbrojtura.
Sipas të dhënave vihet re një rënie e dukshme e rajonit të Korçës që në vitin 2022 qëndronte në krye. Këtë vit është Shkodra ajo që qëndron kryeson për nga numri i vizitorëve ndërkohë që pas saj vijnë Fieri dhe Vlora.
Rreth 2 milionë vizitore të huaj dhe vendas kanë vizituar Parqet Kombëtare në vitin që lamë pas. Ky vit shënon një rritje me 40,2% krahasuar dhe me vitin 2022. Parku kombëtar më i vizituar është Divjakë- Karavastaja, Alpet e Shqipërisë dhe Mali i Tomorit.
Janë 425,000 persona që kanë vizituar Monumentet e Natyrës gjatë vitit 2023. Ujërat Termale të Bënjës, Spella Shenandoit dhe Sarisalltik janë Monumentet e Natyrës më të vizituara për vitin 2023.
Sa i takon rezervateve natyrore, shohim se Liqeni i Shkodrës, Syri i Kaltër dhe Qafështama kanë qenë më të frekuentuarat.
LEXONI GJITHASHTU:
- Rregullat për agroturizmin, aplikimi në e-Albania, leja shqyrtohet brenda 15 ditëve
- Katalonja rrezikon thatësirë totale, turizmi ka ndikuar negativisht
