U arrestua me urdhër të SPAK, Veliaj paraqitet në GJKKO. Mbështetësit e duartrokasin

12 Shkurt 2025 | 08:05

Kryebashkiaku i Tiranës, Erion Veliaj është paraqitur në GJKKO ku do të mbahet seanca për verifikim të masës së sigurisë. SPAK ka kërkuar arrest me burg për kryebashkiakun.

Veliaj i cili akuzohet për korrupsion në 9 raste dhe pastrim parash u arrestua të hënën më 10 shkurt 2025.

Gjithashtu bashkëshortja e tij Ajola Xoxa akuzohet për korrupsion në 9 raste, pastrim parash dhe fshehje pasurie.

Edhe Xoxa për të cilën është caktuar masa arrest shtëpie tashmë ka arritur në ambientet e GJKKO për verifikimin e masës së sigurisë.

Ajo dhe Veliaj janë pritur me duartrokitje nga dhjetëra qytetarë mbështetës së kryebashkiakut të Erion Veliaj.  Prokurorë të dosjes janë Ols Dado dhe Altin Dumani, ndërsa gjyqtar Erion Bani.

Biznesmeni i arrestuar Elman Bule gjithashtu do të jetë i pranishëm në seancën në GJKKO për masën e sigurisë, ndërkohë për verifikim mase do paraqiten edhe 5 biznesmenët Gentian Sula, Meriman Palushi, Fatmir Bektashi, Sokol Kryeziu dhe Shkëlqim Fusha, për të cilët është caktuar masa detyrim paraqitjeje.

Masat e sigurisë dhe akuzat

  1. Erion Veliaj – Arrest me burg; korrupsion (9 raste) dhe pastrim parash
  2. Ajola Xoxa – Arrest shtëpie; korrupsion (9 raste), pastrim parash, fshehje pasurie
  3. Elman Abule -Arrest me burg; Pastrim Parash
  4. Gentian Sula – Detyrim paraqitje; Korrupsion aktiv
  5. Meriman Palushi  Detyrim paraqitje; Korrupsion aktiv
  6. Fatmir Bektashi –Detyrim paraqitjeje; Korrupsion aktiv
  7. Sokol Kryeziu – Detyrim paraqitje; Korrupsion aktiv
  8. Shkëlqim Fusha – Detyrim paraqitje; Korrupsion aktiv

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Plumba mbi policinë, vritet efektivi në krye të detyrës, plagoset kolegu i tij

Një punonjës policie u vra dhe një tjetër u plagos gjatë një operacioni për kapjen e një personi në kërkim prej vitesh në fshatin Podenë,...
13:30 | 04/06/2026

“Të bashkuar në dhimbje, të bashkuar në detyrë”, mesazhi i shpërndarë nga punonjësit e policisë për kolegun e vrarë

Ky është mesazhi që kanë shpërndarë në WhatsApp punonjësit e Policisë së Shtetit, të cilët, për shkak se nuk përdorin rrjete sociale, kanë zgjedhur këtë...
12:48 | 04/06/2026

Lamallari për ngjarjen në Maliq: Do të bëhet vlerësim i plotë dhe do të merren masat e duhura

Ministri i Punëve të Brendshme, Besfort Lamallari, reagoi në seancën plenare të Kuvendit lidhur me ngjarjen e rëndë të ndodhur në Maliq, ku humbi jetën...
12:13 | 04/06/2026