“Një karrierë politike e mbyllur”, si e sheh situatën e Veliajt gazetari Hitaj

Gazetari Arbër Hita, i ftuar në Euronews Albania tha se për sa i përket arrestimit të Erion Veliajt dhe situatës në të cilën ai ndodhet, gjasat janë shumë të pakta që ai të ketë një rikthim, dhe kjo jo vetëm rikthim në bashkinë e Tiranës por dhe në politikë.

“Për mua, politikisht Veliaj e ka të vështirë, gati të pamundur të rikthehet në këtë situatë. Duhet të jemi realist. Edhe nëse Gjykata do ta aprovojë kërkesën e SPAK, shanset janë pothuajse zero të rikthehet. Karriera politike e Veliajt me këtë situatë është e mbyllur.

Opinioni publik dhe i gjithë procesi në tërësi, janë akuza shumë të rënda, disa dhe qesharake. Një ndër këto mund të përmend rastin që thuhej se vila në Qerret Kompleksi “Marea Resort”, dyshohet se është e çiftit Veliaj-Xoxa sepse tek provat thuhet edhe pjesa që kanë dhënë lekët administratores për mirëmbajtjen e zonës. Ky është një element qesharak”, tha Arbër Hitaj.

LEXONI GJITHASHTU:

• Pse erdhët tek unë? Llabani zbulon se çfarë i tha Veliaj agjentëve të BKH në Bashki
• Arrestimi i Veliajt/ Karamuço: SPAK po tregon se është i pavarur nga politika