Pse erdhët tek unë? Llabani zbulon se çfarë i tha Veliaj agjentëve të BKH në Bashki

Anduena Llabani, gazetare, ishte e ftuar në emisionin “Now” në Euronews Albania e cila foli mbi çështjen e arrestimit të Erion Veliaj ndaj të cilit ndan detaje se çfarë u tha në momentin që oficerët e BKH-së, dhanë njoftimin për masën e sigurisë ndaj tij.

Ajo theksoi se Veliaj ka qenë gjithmonë bashkëpunues teksa SPAK nisi hetimet dhe ishte i gatshëm të drejtohej në ambientet e Prokurorisë së Posaçme në momentin që do thirrej.

“Erion Veliaj e dinte shumë mirë pozitën e tij ligjore në raport me SPAK-un. Kemi një fazë që kryetari i bashkisë së Tiranës në detyrë, iu drejtua oficerëve të BHK-së me një pyetje teksa këta të fundit shkuan për ti dhënë njoftimin ditën e djeshme. Veliaj iu drejtoi pyetjen se: “Pse keni ardhur tek unë?”

Me anë të kësaj pyetje ai ka nënkuptuar se ka dhënë një garanci që ai ndodhet aty dhe do shkojë po vetë ai ke SPAK dhe jo zyrtarët tek ai. Veliaj në 3 muaj i ka lënë zyrat në dispozicion oficerëvë të BKH-së për të kryer çdo veprim hetimor dhe këtë gjë nuk e ka fshehur. Ai ishte bashkëpunues lidhur me hetimin e SPAK”, tha gazetarja Llabani.

LEXONI GJITHASHTU:

• “Një karrierë politike e mbyllur”, si e sheh situatën e Veliajt gazetari Hitaj
• Rama në Bashkinë e Tiranës, nënkryetarja Anuela Ristani emërohet administratore