“U dhunuan drejtuesit e policisë dhe politika heshti”, Prençi: Opozita nuk denoncoi

Ish-drejtuesi i Lartë i Policisë së Shtetit, Shemsi Prençi i ftuar në Euronews Albania tha se pavarësisht se bëjnë sikur denoncojnë shkeljet e bëra për zgjedhjet vendore të 14 majit, opozita nuk ka reaguar fare për një nga ngjarjet më të rënda të ndodhura.

Sipas Prençit, krerët e bashkive kanë dhunuar drejtuesit e lartë të policisë dhe askush nga politikanët nuk ka thënë asgjë për këtë rast.

“Në zgjedhjet e 14 majit, Partia Socialiste, Partia Demokratike, rithemelimi, Bashkë fitojmë nuk kanë denoncuar rastin më flagrant. Janë dhunuar drejtuesit e lartë të policisë dhe e gjithë administrata dhe politika shqiptare heshtin. S’e denoncojnë se nuk duan.

Krerët e bashkive kanë dhunuar drejtuesit e lartë të policisë. E kanë fshehur të gjithë. Policia e shtetit  është keqpërdorur në këto zgjedhje,”-tha Shemsi Prençi

LEXONI GJITHASHTU:

• Sulmet politike ndaj KQZ? Celibashi: Nuk jam ‘Don Kishot’ që të ndryshojë politikën
• Enriko Papa fiton kupën e Rumanisë, mesfushori që i duhet Sylvinhos