U mor i pandehur dy javë më parë, kryebashkiaku socialist paraqitet në SPAK

Dy javë pas marrjes si i pandehur nga Prokuroria e Posaçme Antikorrupsion (SPAK), kryetari socialist i Bashkisë Devoll, Eduard Duro, është paraqitur këtë të hënë në ambientet e prokurorisë i shoqëruar nga avokati i tij. Duro përballet me akuzën e shpërdorimit të detyrës, të ngritur nga SPAK pas licencimit të një biznesi karburanti, i cili, sipas akuzave, rezulton të jetë ndërtuar pa leje ndërtimi.

SPAK ka nisur hetimet mbi kryebashkiakun e Devollit pas një kallëzimi të bërë nga një subjekt tjetër, duke ngritur dyshime mbi ligjshmërinë e procesit të licencimit të karburantit.

Në lidhje me këtë çështje, Duro, në një reagim zyrtar, u shpreh se sektori i tatim-taksave ka dhënë autorizim për shitje karburanti brenda dhe konform ligjit.

“Në lidhje me lajmin e dalë, Eduard Duro shprehet: Sektori i tatim-taksave ka dhënë autorizim për shitje karburanti brenda dhe konform ligjit. Shtetasit J.K dhe M.K kanë bërë denoncim se ky dokument nuk duhej dhënë subjektit ‘Genci Petrol’. Kam firmosur çdo gjë siç e kërkon ligji dhe nuk bëhet fjalë për shpërdorim detyre, por për detyrë të plotësuar në kushtet e një kryetari bashkie,” deklaroi Duro.

LEXONI GJITHASHTU:

• Biznesmenët italianë refuzojnë “Sterilizimin”, Vokshi: Do t’i drejtohemi policisë
• Sterilizimi/ Biznesmeni Rrapaj shoqërohet me pranga në duar të dëshmojë në komision