U tërhoq nga kandidimi në PD, Ferdinant Xhaferaj: Janë çereknare, jo primare

Ferdinandt Xhaferaj ishte këtë të enjte i ftuar në Euronews Albania ku tregoi arsyet se përse hoqi dorë nga kandidimi në Partinë Demokratike në zgjedhjet që pritet të mbahen në 11 maj.

Ai tha se që në fillim e ka parë procesin e primareve, si një proces që e dëmton Partinë Demokratike, ndaj vendosi të mos kandidojë sërish.

“Unë jam shprehur kundër këtyre primareve që në shtator sepse janë procese që e dëmtojnë partinë Demokratike, nuk e ndihmojnë, unë tani për të zgjidhur hallin tim personal të merrja pjesë në primare. Kjo ka të bëjë me dinjitetin, me personalitetin, me fytyrën time politike, por akoma më shumë me raportin tim me këta qytetarë që më kanë mbështetur. Ata nuk do ishin dakord që të shikonin një Ferdinat që merr kthesën për të hyrë vetë në parlament.

Nga pikëpamja e procesit që po ndodh, emri i vërtetë nuk duhet të ishte primare, por çereknale, as gjysmënare. Primaret janë procese ku kryetari i partisë, në shërbim të demokracisë së brendshme në parti dhe me shërbim të delegimit të vendimmarrjes te anëtarësia thotë : “Unë heq dorë nga vendimmarrja ime për të emëruar deputet dhe e delegojë këtë vendimarrje te anëtarësia”. Zoti Berisha do duhet të thoshte që këta janë 60 kandidatët në tiranë, anëtarësia voton dhe nga 1-37 se kush do jetë në listën e mbyllur e kush do garojë në listën e hapur e përcakton anëtarësia. Kështu do duhet të ishin primaret”,-tha Xhaferaj.

LEXONI GJITHASHTU:

• ”Rama nuk është argat i Vuçiç”, Xhaferaj: Doli nga Open Balkan që të ruante karrigen
• Zelensky flet pas sulmeve të Trump: Bashkëpunimi me SHBA, duhet të jetë konstruktiv