U tërhoq PD-ja për Avokatin e Popullit? Braho: Për çfarë bëj përgjegjës Alibeajn

Juristi Ledio Braho thotë se Enkelekjd Alibeaj është përgjegjës për vonesën e zyrtarizimit të kandidaturës së tij për Avokatin e Popullut, si i propozuar nga Grupi Parlamentar i Partisë Demokratike.

Në një intervistë për Euronews Albania, Braho u shpreh se procesi mori shumë kohë, edhe pse vendimi ishte marrë kohë më parë.

Megjithatë, Braho nënvizoi se mazhoranca e rrëzoi në momentin e fundit kandidaturën e tij.

“Nuk është çështje që ka lidhje me Alibeajn. Mund të them që gjatë këtij një viti, që pas 9 shtatorit, ishte e vetmja çështje që në Grupin Parlamentar që drejtohet nga zoti Alibeaj, ishte e vetmja çështje që u bë me votim të fshehtë. Pavarësisht që procesi mori shumë kohë dhe patjetër që këtu kanë përgjegjësi të gjithë faktorët, sidomos për kohën derisa zoti Alibeaj e zyrtarizoi propozimin e opozitës, patjetër që mund të them që është  edhe një përgjegjësi e tij.

Procesi zgjati aq shumë, kur vendimin e kishte marrë kohë më parë. Me pjesën tjetër Grupi  Parlamentar ishte shumë korrekt. Por ajo që ndodhi më datë 22, ishte  produkt i mazhorancës, që refuzoi në moment të fundit punën time”, theksoi ai.