Ukraina akuzon një agjent të dyshuar rus për përfshirje në sulmin në Kramatorsk

Presidenti i Ukrainës, Volodymyr Zelensky, tha se një agjent i dyshuar rus, i përfshirë në sulmin vdekjeprurës në qytetin e Kramatorskut, do të akuzohet për tradhti.
Ata që e ndihmojnë Rusinë të shkatërrojë jetë, e meritojnë “dënimin maksimal”, tha Zelensky.

Ai nuk identifikoi personin që është arrestuar për këtë sulm, por Shërbimi i Sigurisë së Ukrainës (SBU) tha më herët se i dyshuari, banor i Kramatorskut, dërgoi një video të restorantit tek ushtria ruse disa orë përpara se të sulmohej.

Dymbëdhjetë persona, përfshirë tre adoleshentë, u vranë në sulmin me raketa të martën në një restorant, shkruan REL.

Së paku 60 persona u plagosën gjithashtu në sulm.

LEXONI GJITHASHTU:

• Eurodeputeti austriak sulmon Serbinë: Luan me dy porta, me BE dhe Rusinë
• ‘Putin kërcënim për Rusinë”, Navalny reagon nga qelia për kryengritjen e ‘Wagner’