“Vajza 20-vjeçe vritet nga babai shqiptar”-Preç Zogaj flet për librin “Nata”

Shkrimtari Preç Zogaj, ishte mëngjesin e kësaj të enjteje në “Good Morning Albanians” ku ka zbuluar temën delikate të romanit të tij të ri i titulluar “Nata”.

Zogaj tha se në këtë roman trajtohet vrasja e një vajze 20-vjeçare e cila vritet nga babai i saj. Sipas shkrimtarit në roman trajtohet anatomia e vrasjes, por edhe shkaku që e çoi babain e saj të ndërmerrte këtë akt ekstrem, pasi edhe ai është një lloj viktime e krijuar nga situata në Shqipëri që Preç Zogaj quan “xhungël”.

“Kam bëra një lloj anatomie të vrasjes së vajzës 20-vjeçare. Ajo vritet nga prindi, që është akoma më e dhimbshme, por edhe babai  është një viktimë e kësaj xhungle.

Libri nuk shkruhet me revoltë, sepse revolta ngarkesa e madhe emocionale e dëmton librin, shkrimtari duhet të tregojë përmes “lëvizjes së kamerës” ai përcjell edhe një lloj anësie të tij, por duhet të jetë shumë i kujdesshëm, ndaj letërsia mbulon një zonë që nuk e mbulon as publicistika, as historia, as filozofia, as forma të tjera të komunikimit.

Kjo është zona e letërsisë që është një zonë ku shkrimtari rrëfen dhe nuk merr rolin as të prokurorit, as të gjykatësit drejt për së drejti, e shmang tendeciozitetin”,-tha Preç Zogaj.

LEXONI GJITHASHTU:

• “‘Komploti’ një profeci për vitet 2043-2044”- Baro zbulon detaje nga libri i Blushit
• “Më duaj, por jo vonë”-Mimoza Ahmeti i bën thirrje lexuesve me librin e ri