Komisioneri për Fqinjësinë dhe Zgjerim në Bashkimin Europian, Oliver Varhei ka takuar në Shkup kryeministrin e Maqedonisë së Veriut, Dimitar Kovaçevski.
Përmes një postimi në rrjetet sociale ku ndau foto nga takimi me Kovaçevskin, Varhei u shpreh se është i përkushtuar për të nisur negociatat me Maqedoninë e Veriut, para përfundimit të presidencës franceze që kryeson Këshillin e BE-së.
Sipas tij, nuk ka kohë për të humbur në përshpejtimin e procedurave për hapjen e negociatave.
“Fillova vizitën time në Maqedoninë e Veriut me Kryeministrin Dimitar Kovaçevski. Ne jemi të përkushtuar të vazhdojmë përpjekjet tona për të nisur negociatat para përfundimit të Presidencës franceze të Këshillit të BE-së. në një kohë vendimtare. Maqedonia e Veriut është pjesë e Europës! Nuk ka kohë për të humbur për të përshpejtuar procedurat”, shkruan Varhei në Twitter.
Started my visit to North Macedonia with PM @DKovachevski. We are committed to continue our efforts to start the negotiations before the end of FR PRES in a crucial time. 🇲🇰is part of Europe! No time to waste to speed up the procedures! #Skopje pic.twitter.com/YMh9kfXbBN
— Oliver Varhelyi (@OliverVarhelyi) April 27, 2022
Më 28 prill Varhelyi do të vizitojë Shqipërinë. Në Tiranë, ai do të takohet me kryeministrin Rama ku do të diskutohet për procesin e integrimit.
LEXONI GJITHASHTU
- Varhelyi: Të përshpejtohet procesi i integrimit të Ballkanit Perëndimor
- Bullgaria tregon kushtin që duhet të plotësojë RMV-ja për hapjen e negociatave
