Vasili i bindur: Rama dhe Basha kanë pakt politik për reformën zgjedhore

Deputeti i PL, Petrit Vasili tha në një intervistë për  Euronews Albania qeveria është ajo që po e pengon reformën zgjedhore duke mos lejuar opozitën që të përfaqësohet në komision.

Sipas tij, ka një pakt politike mes Edi Ramës dhe Lulzim Bashës për ta mbajtur peng këtë komision dy vjet.

“Ne ishim për ta zhbllokuar komisionin, jo për ta bllokuar. Për ta bllokuar ju e kuptoni që e kanë bllokuar ata që kanë dy vjet, tani bëjnë sikur rrahin gjoksin sikur vdiqën për reformën zgjedhore. Një pyetje që bëj jo si politikan por si qytetar, këto dy vjet kush i pengoi? Pra, ai për të cilin me të drejtë ne themi që është pak politik kundër shqiptarëve ndërmjet Edi Ramës dhe Lulzim Bashës është për ta mbajtur peng këtë komision dy vjet. Tani që paskan ngut të madh për ta vënë në lëvizje përse i pengojnë opozitës të përfaqësohet me njerëzit që ajo gjykon se e përfaqësojnë”,  tha Vasili.

LEXONI GJITHASHTU:

• Basha: Bëjnë teatër për zhvillime pseudo-politike, gjithë ditën dëgjojmë kukuvajka
• Përplasjet në Komisionin e Medias, reagon Basha: Turp për këta burrecë të vegjël