Vendimi i Strasburgut për “21 janarin”, gazetari nga Brukseli zbardh detajet

Gjykata e Strasburgut ka dhënë verdiktin e saj për vdekjen e Aleks Nikës, njërit prej 4 protestuesve që mbetën të vrarë në 21 janar të vitit 2011, përpara Kryeministrisë.

Sipas vendimit të Gjykatës, në këtë çështje ka dy shkelje, të cilat janë vrasja dhe mos-zbardhja e ngjarjes.

Gazetari Fatos Mahmutaj, njëkohësisht dëshmitar i ngjarjes së 21 janarit, tha në një intervistë për Euronews Albania se në bulevard dhe para Kryeministrisë ditën e demonstratës ka pasur shumë prova që janë hequr nga Prokuroria e Tiranës për të lehtësuar të pandehurit.

Sipas tij, vendimi i sotëm i Gjykatës së Strasburgut është një arsye e mjaftueshme për të arrestuar Sali Berishën si përgjegjës për  vrasjen e 4 personave.

“Aty ka pasur lumë me gëzhoja për ekspertiza, me predha, në vendin ku jam plagosur unë, në trungun e pemës edhe sot janë gjurmët e 20-30 plumbave, asnjë nuk është ekspertuar. Unë kam qenë dëshmitar në datë 22 kam qenë vetë dëshmitar, garda nuk lejonte grupin e ekspertimit të afrohej. Prokuroria e Tiranës me dashje ose pa dashje ka hequr shumë prova që u bën për të lehtësuar të pandehurit, ato janë prova edhe sipas legjislacionit shqiptar edhe sipas moralit shqiptar. Strasburgu, kulmi i drejtësisë e tha, çfarë duhet më tepër për të arrestuar Sali  Berisha?” tha gazetari.

LEXONI GJITHASHTU:

• Vrasja e Aleks Nikës në protestën e 21 janarit, Gjykata e Strasburgut merr vendim
• GJKKO rrëzon ankimimin e familjarëve të 21 janarit, çështja nuk kalon në SPAK