“Vetëm pushkatimi ka mbetur”, flet Albana Vokshi në Komisionin e Etikës

Është mbledhur Komisioni i Votimit dhe Etikës në lidhje me përjashtimin e 6 deputetëve nga seanca e Parlamentit.

Deputetja e PD-së Albana Vokshi në fjalën e saj tha se deputetët janë përfaqësues të popullit ndërsa sipas saj mazhoronca po kërkon të vrasë opozitën.

Ajo tha se vetëm pushkatimi ka mbetur, ndërsa theksoi se ajo që po bën PS e cila kërkon përjashtimin  deputetëve të opozitës nga Kuvendi është turp.

“Ju po kërkoni të na ktheni në monizëm. Deputetët janë përfaqësues të popullit, nuk përfaqësojmë vetëm ata që kanë votuar PD por të gjithë qytetarët shqiptarë.  Ju po kërkoni që të vrisni opozitën, t’i mbyllni gojën opozitës, këtë po bëjmë dhe këtu. Kërkojmë që të vijnë mediat që na dëgjojnë, s’jemi në kohën e Enver Hoxhës. Vetëm pushkatimi ka mbetyr. Nuk keni nen në rregullore që thotë që mbledhjet të bëhen të mbyllura. Kjo mbledhje është nul. Nuk duhet të na kishit thirrur sot. Është turp. Përjashtimi i deputetëve është një akt i rëndë i parlamentarizmit”- tha Vokshi.

LEXONI GJITHASHTU: 

• EMRI/ Mashtroi 72-mijë euro me shitjen e dyqanit, arrestohet 63-vjeçari
• Kryetari i bashkisë vritet para hapjes së kutive, fiton zgjedhjet atje ku kandidoi