VIDEO/ Dalin pamjet e ekzekutimit të Gilmando Danit në Rinas

Kanë dalë pamjet e atentatit të ndodhur të martën në Rinas ku mbeti i vrarë Gilmando Dani dhe u plagos punonjësi i AMP-së Mustafa Sheqeri.

Në pamjet e siguruara nga Euronews Albania shihen 3 persona që qëllojnë me breshëri drejt automjetit ku udhëtonte Dani dhe miku i tij, agjent i AMP.

Ngjarja ndodhi rreth orës 14:00 menjëherë pasi viktima dhe i plagosuri mbërritën nga Barcelona ku ishin larguar në datën 7 nëntor.

Në momentin kur janë nisur drejt Tiranës me automjetin tip Benz me targa AB 099UO, autorët me një tjetër makinë i zunë pritë dhe i qëlluan me breshëri plumbash, ku Gilmando Dani, që ishte pasagjer, ka humbur jetën në vend ndërsa shoferi Muçi Shaljani (Sheqeri) ka mbetur i plagosur rëndë.

Policia dhe ekspertët kriminalistë qëndruan në vendngjarje për më shumë se 5 orë për të kryer të gjitha hetimet e nevojshme.

Rreth 40 minuta pas atentatit policia gjeti të djegur automjetin e autorëve në fshatin Halil të Fushë-Krujës dhe brenda tij 4 armë; 3 kallashnikovë dhe 1 pistoletë që dyshohet janë përdorur në ekzekutimin e Danit.

LEXONI GJITHASHTU:

• EMRAT/ Ndalohen dy policë, punësimi i Muçi Shaljanit në AMP në kundërshtim me ligjin
• U ekzekutua miku i tij i ngushtë Gilmando Dani, Shullazi mungon në gjyqin “Revanshi”
• Vrasja e Gilmando Danit, grupi hetimor rikthehet në vendngjarje për prova të reja