VIDEO/ Ksamil, konflikti për hapësirën e plazhit degjeneron në dhunë

Kur jemi në mes të sezonit turistik janë rikthyer skenat e turpshme në plazht e jugut ku me e fundit është një përplasje e dhunshme në Ksamil.

Ngjarja ka përfshirë stafin e një bari dhe pronarin e një hoteli, duke çuar në përleshje fizike dhe plagosje për shkak të një konflikti për pronësinë dhe administrimin e hapësirës bregdetare.

Sipas burimeve, hapësira në fjalë ka qenë prej vitesh në përdorim nga subjekti i barit, ndërsa këtë sezon një pjesë e saj është kaluar në administrim të hotelit.

Mosmarrëveshjet për ndarjen e hapësirës bregdetare kanë çuar në përplasje mes palëve, duke detyruar autoritetet që së fundmi ta shpallin zonën si hapësirë publike.

Pavarësisht vendimit, tensionet mes palëve kanë vijuar.

Konflikti ka kulmuar kur dyshohet se pronari i hotelit ka hyrë në zonën e administruar nga bari, duke shkaktuar përplasje fizike me stafin, e cila ka degjeneruar në dhunë.

Pas sherrit policia ka mbërritur në vendngjarje dhe po punon për zbardhjen e plotë të rrethanave si dhe identifikimin e autorëve të dhunës.

LEXONI GJITHASHTU:

• VIDEO/U paraqit si u dhunuar në pamjet në Ksamil, ngjarja rezulton ndryshe
• Përplasje me gota dhe shishe në një lokal nate në Palasë, hetohen dy persona