VIDEO| Spektakël me 8 gola në Spanjë, Reali triumfon ndaj Atletikos në kupë

Derbi madrilen ka prodhuar sepktakël dhe gola, por në fund ishte Reali ai i cili siguroi biletën për finalen e superkupës së Spanjës. Në Arabinë Saudite u zhvillua gjysmëfinalja e parë e superkupës, e cila prodhoi në total 8 gola, 5 prej tyre të shënuar nga skuadra e Ancelottit. Pjesa e parë nisi me golin e Atletico që shënoi me Hermoso, më pas Reali barazoi me Rudiger dhe përmbysi me Mendy. Griezmann solli barazpeshën e përkohshme në fraksionin e parë.

Në të dytin autogoli i Rudiger kaloi sërish në avantazh ATletikon, ndërsa Carvajal barazoi në të 85-ën. Ndeshja shkoi në shtesë, aty ku siç pritej Reali arriti të shënonte dy gola të tjerë me Joselu e Diaz, duke vulosur triumfin 5-3. Në finale do të përballet me fituesin e ciftit Barcelona-Osasuna, ndeshje që luhet mbrëmjen e së enjtes.

Blaugranët janë favortië absolutë, por Osasuna nuk duhet nënvlerësuar. 3 lojtarë nuk janë në dispozicion të Xavit, portieri Ter Stegen, Gavi dhe mbrojtësi Alonso, ndërsa në kampin tjetër Avila. Në ndeshjen e luajtur në kampionat, Barcelona arriti ta mposhtë Osasunën me rezultatin 1-2, ndërsa kjo është përballja e dytë sezonale. Një fitore në mbrëmje do të bënte që finalja e superkupës të ishte sfdia më spektakolare në botën e futbollit, El Klasiko.

LEXONI GJITHASHTU:

• Merkato e janarit| Sancho zyrtarisht lojtar i Dortmund, Bayern blen tek Tottenham
• Milani eliminohet nga kupa, Lazio kualifikohet mes grushteve
• “Kam dhe 1 vit jetë”, ish-trajneri i Anglisë diagnostikohet me kancer: Nuk dorëzohem