Vijon numërimi për Këshillin Bashkiak, raporton gazetari Hoxha

Gazetari i Euronews Albania, Ardit Hoxha raportoi nga Komisioni Qendror i Zgjedhjeve, ndërsa sqaroi se kanë mbetur shumë pak qendra votimi për t’u numëruar deri në daljen e një rezultati përfundimtar, edhe pse kryebashkiaku aktual, Erion Veliaj është në një epërsi të thellë.

“Sa i takon fletëve të hedhura për Këshillin Bashkiak, procesi pritet të nisë nesër sipas udhëzimit nga KQZ,” – u shpreh Hoxha.

Afati përfundimtar për numërimin e fletave të Këshillat Bashkiakë është lënë ora 16:00 e pasdites së 16 majit.

Deri tani është mësuar rezultati për 3 bashkitë ku u votua elektronikisht, Vorë, Elbasan dhe Kamzë.

LEXONI GJITHASHTU:

• Rritet diferenca në Tiranë, kryeson PS me mbi 50 mijë vota
• Shpallet rezultati final në Kavajë, mbi 11.700 vota për “Bashkë Fitojmë”