Vip-at përkrahin Veliajn dhe Këlliçin, Qori: Artistët duhet të jenë rebel…

Kreu i partisë “Lëvizja Bashkë”, Arlind Qori, ishte i ftuar këtë të enjte në Euronews Albania ku mes të tjerave ka folur edhe për përkrahjen e artistëve ndaj politianëve nëpër fushata.

Ai tha se intelektualët, njerëzit e kulturës duhet të shfaqin parime e të mos përkrahin politikanët e korruptuar.

“Unë mendoj se roli i intelektualit është të jetë rebel, të jetë kundërshtues i të keqes, kundërshtues i pushteteve abuzive. Tani nëse njerëz të kulturës, të artit e kështu me radhë e përkrahin politikanë të korruptuar, nuk i bëjë nder as vetes, as idesë së inelektualit apo artistit.

Figurat publike duhet t’i marrin seriozisht njerëzit që i vlerësojnë, jo ti trajtojnë njerëzit në mënyrë nënçmuese. Si mund t’i thuash ti, këngëtar, njerëzve të votojnë një parti të korruptuar. Si mund të bëhesh pjesë e një partie që kur ka qenë në pushtet ka abuzuar po aq sa partia aktuale. Unë mendoj se intelektuali, artisti, njeriu i kulturës, duhet të ketë një qëndrim parimor”,-tha Arlind Qori.

LEXONI GJITHASHTU:

• “Tiranë-Durrës për 22 minuta”, Rama publikon foto nga punimet në hekurudhë
• Zelensky nga Haga: Të gjithë duam ta shohim Putinin një ditë këtu