Vjosa Park Kombëtar, Kumbaro sqaron çfarë do të bëhet me lumin

Shqipëria ka nisur procedurat për ta bërë lumin Vjosa dhe degët e tij Park Kombëtar, duke siguruar kështu një shkallë të lartë të mbrojtjes të tij.

Ministrja e Mjedisit dhe Turizmit, Mirela Kumbaro tha se mbërritja deri në këtë vendim ka kaluar nëpërmjet disa procedurash.

“Është pjesë e një procesi që ka kohën e maturimit dhe sjell në një pikë të përbashkët aktorë të ndryshëm të shoqërisë”, tha Kumbaro.

Sipas saj, menjëherë pas marrëveshjes është ngritur një grup pune i cili do të përcaktojë vendet ku mund të bëhet agroturizëm, ekoturizëm apo dhe rafting, ku mund të peshkohet dhe ku jo, ku mund të shkohet me makinë dhe ku jo. Grupi i punës, siç tha Kumbaro po merret me shqyrtimin e të gjitha mundësive për ta çuar Vjosën në lartësinë e duhur.

Ajo nënvizoi se nuk bëhet fjalë për “fronte, por për emancipimin e shoqërisë”, duke thënë se vendimmarrja ka qenë e përbashkët.

Kumbaro shtoi se Qeveria Rama 3 e ka prioritet mbrojtjen e mjedisit dhe turizmin.

LEXONI GJITHASHTU:

• Ministrja Kumbaro: Për turistë cilësorë na duhen standarde, aeroporte, hoteleri