Vladimir Caridha, 4 dekada që ushtron artin e skulpturës në Elbasan

Në qytetin e Elbasanit një sërë veprash arti mbajnë emrin e tij. Bëhet fjalë për Vladimir Caridhën, i cili i ka kushtuar skulpturës gjithë jetën e tij, ndërsa prej 40 vitesh kujdeset profesionalisht për të dhe edukimin artistik të brezave të rinj.

Pasioni i tij për skulpturën ka nisur që në moshë mjaft të vogël. Caridha shpjegon për Euronews Albania se si nisi dëshira e tij për t’u bërë skulptor.

“Që fëmijë, fëmija vetë kupton o ka zërin o reciton, ose riprodhon në vizatim dhe këtu fillon, dhe prindërit kanë qenë aq të kulturuar sa më kanë shtyrë me këtë aftësinë drejtë linjës për t’u aftësuar më tej,” – tha ai.

Edhe pse ka një numër të madh punësh në atelienë e tij, më të preferuarat janë ato ku imagjinata ndërthuret fort me personazhin.

“Skulptura është e vështirë domethënë me fizik ka shumë mund sidomos gdhendjet, por e vështira është në zgjidhjen e konceptimin e asaj që do të bësh,” – tregoi Caridha.

Sipas tij numri i nxënësve për artin e skulpturës është varfëruar, kjo si pasojë e largimit të tyre drejtë shkollave jashtë vendit.

“Një vizatues I kohës time ka qenë shumë mbrapa krahas një vizatuesi që është sot, marrim nivelin e mirë të kësaj, por puna me nxënësit sikur ka rënë cik, ka rënë shumë është tërësi kjo gjë. Ideja është që të iki jashtë sa të shkollohem këtu më mirë po shkollohem në Itali dhe vende tjera. Unë di shumë nxënës që mbarojnë të mesmen këtu dhe presin që të ikin nëpër shkolla të fuqishme. Është defekt,” – tha Caridha.

Së fundmi ai është duke punuar me portrete personazhesh që do të përdoren në skenën e teatrit të kukullave në Elbasan. Pasionin e tij për skulpturën Vladimir Caridha do t’ua kaloje fëmijëve, edhe pse sot ai është fanatik në ruajtjen dhe kujdesin ndaj tyre.

LEXONI GJITHASHTU:

• Dhunohen skulpturat në Durrës, vandalizmi lidhet me mungesën e kulturës
• “Statuja e Skënderbeut do vendoset në Zvicër”, skulptori zbulon kush e porositi