Vlerësim ligjor, Rama: S’mund të pranojmë pedagogë që punojnë në ‘fason’

Kryeministri Edi Rama, në fjalën e tij me rektorët e universitete publike dhe private, nënvizoi se duhet të bëhet një vlerësim i thellë ligjor i të gjithë universiteteve për të parë deri në fund raportet e tyre me ligjin.

Ai nënvizoi se  universitetet private nuk deklarojnë pagat e plota dhe se nuk mund të pranohet që të ketë pedagogë sikur punojnë në fason.

“Për shkak të një page që është ende jo e kënaqshme në universitetin publik, shkojnë në universitete private, aty tjetër deklarohet dhe tjetër marrin. Ky është fakt. Nuk mund ta pranojmë që të kemi pedagogë të regjistruar në librin e pagave sikur punojnë në fason. Në rast se ka mospërputhje midis pagës së deklaruar dhe pagës së marrë, duhet ta korrigjojnë, se procesi do të shkojë në kontrollin e pasurisë. Po të shohim dypunësimin me universitete private, një pjesë e të cilit është ca në bardhë dhe ca në të zezë, jemi në tjetër realitet”, u shpreh Rama.

LEXONI GJITHASHTU:

• Kushi: Rritja me 7% e pagave të pedagogëve nxit rritjen e performancës
• “Ka mbaruar koha kur rriten pagat se kërkojnë sindikatat”, Rama s’mbështet pedagogët
• “Ka mbaruar koha kur rriten pagat se kërkojnë sindikatat”, Rama s’mbështet pedagogët