Vllaznia nis përgatitjet, Martini skanon skuadrën. Objektivi kryesor titulli kampion

Vllaznia i ka dhënë fund pushimeve, ndërsa ka zbritur në fushë për seancat stërvitore. Ekipi u drejtua nga trajneri i sapozgjedhur, Edi Martini që është një emër i njohur jo vetëm në Shkodër, por edhe në vend.

“Kënaqësi për secilin të jetë trajner i Vllaznisë, sidomos për një shkodran. Është detyrë e zorshme, dihet që në Shkodër kërkohet maksimumi. E quaj përgjegjësi më tepër se kënaqësi. Do të mundohem t’i përkushtohem kësaj pune për më të mirën”,- Edi Martini, Trajner i Vllaznisë.

Skuadra ka nevojë për merkato, me Malën që është në dyshim për të ardhmen.

“E shikoni që dy stoperat u larguan, duhet të përforcojmë dhe mesfushën. Morëm Krujën vjen dhe Hakaj, siguruam Gurishtën dhe për 1 vit. Mendojmë që të dublojmë cdo pozicion të mundshëm, nuk fitohet me 11 lojtarë, por 22. Presim dhe lojtarë të tjerë, jemi në mbyllje me disa, por për arsye dokumentesh nuk i prezantojmë dot”, Edi Martini, Trajner i Vllaznisë.

Një titull kampion në Shkodër është një ëndërr për teknikun Martini.

“Nuk e di a kemi për ta arritur, por di që se ndërroj me asgjë me vendos një yll në fanellën e Vllaznisë”.

Përpara nisjes së sezonit të ri në Superligën Shqiptare, Vllaznia më parë do të luajnë ndeshjet kualifikuese në Conference League.

LEXONI GJITHASHTU:

• “Të rritet buxheti për filmin”, kineastët dëgjesë publike me ministrinë
• Petkoviç në Bruksel: Nuk mund të ketë dialog për Preshevën e Bujanocin