Voda për Euronews Albania: Akuzat ndaj meje u vendosën në bazën e thashethemeve

Ish-zëvendësministrja e Brendshme Rovena Voda, ka rrëfyer në një intervistë ekskluzive për Euronews Albania është shprehur se akuza ndaj saj është vendosur në bazë të thashethemeve.

Ajo tha se nuk ka prova konkrete për akuzën e saj, ndërsa shtoi se përgjimet janë në mospërputhje me njëra-tjetrën dhe sipas saj këto provojnë se nuk ndodhemi para një fakti penal.

“Të gjithë akuzën dhe arsyetimin e vendimit e ka bazuar në përfoljet dhe thashethemet ndaj meje të dy personave të tjerë. E gjithë baza e akuzës bazohet në përgjime të të tretëve, në mjete të kërkimit të provës, të cilat nuk çuan në prova konkrete. Nga analiza e këtyre përgjimeve rezulton se ato janë indicie të paqarta e jo në përputhje me njëra-tjetrën dhe sigurisht ato provojnë qartazi që nuk ndodhemi para një fakti penal”- tha ajo.

LEXONI GJITHASHTU:

• “S’jam viktimë e sulmit politik”, Voda: E vetme në betejën time ligjore
• ‘Ndërkombëtarët heshtën’, Voda: Reforma në drejtësi nuk fitoi asgjë me dënimin tim