Vodhën kamerat e sigurisë të një biznesi, kapen dhe vihen në pranga dy persona

Dy persona, E.H., 30 vjeç, banues në fshatin Rrajcë dhe K. A., 18 vjeç, banues në Përrenjas janw arrestuar në Librazhd. Ata ishin shpallur në kërkim pasi dyshohet se në bashkëpunim me njëri-tjetrin, më datë 10.04.2024, në fshatin Skënderbej, Përrenjas, kanë vjedhur kamerat e sigurisë të magazinës së një biznesi me bimë medicinale, në pronësi të një 30-vjeçari.

“Shërbimet e Komisariatit të Policisë Librazhd, në vijim të punës për goditjen e paligjshmërisë në fushën e vjedhjes së pronës dhe pasurisë, identifikimin e autorëve të vjedhjeve dhe vënien e tyre përpara përgjegjësisë ligjore, bazuar në inteligjencën informative, kanë kapur dhe vënë në pranga shtetasit e shpallur në kërkim E. H., 30 vjeç, banues në fshatin Rrajcë dhe K. A., 18 vjeç, banues në Përrenjas.

Këta shtetas ishin shpallur në kërkim pasi dyshohet se në bashkëpunim me njëri-tjetrin, më datë 10.04.2024, në fshatin Skënderbej, Përrenjas, kanë vjedhur kamerat e sigurisë të magazinës së një biznesi me bimë medicinale, në pronësi të një 30-vjeçari”,-thuhet në njoftimin e policisë.

Gjithashtu është arrestuar në Elbasan një 39-vjeçar me inicialet M.M., pasi u kap duke drejtuar automjetin në gjendje të dehur.

“Specialistët e Sektorit të Policisë Rrugore arrestuan në flagrancë shtetasin M. M., 39 vjeç, banues në Elbasan, pasi në aksin rrugor “Cërrik-Papër”, u kap nga shërbimet e Policisë, duke drejtuar automjetin, në gjendje të dehur”,-thuhet në njoftim.

LEXONI GJITHASHTU:

• Hodhën fishekzjarre për ditëlindje në mesnatë, policia ndalon në flagrancë 3 persona
• Lihet në fuqi masa e arrestit në shtëpi për drejtorin e IT në Policinë e Shtetit