Votimi dhe numërimi elektronik në 3 bashki, gazetari Hoxha: Ja sa do të kushtojnë

Gazetari Ardit Hoxha deklaroi se qeveria i ka akorduar Komisionit Qendror një fond prej 2.5 miliardë lekësh për blerjen e pajisjeve që do të mundësojnë votimin dhe numërimin elektronik në 3 bashkitë, Elbasan, Kamzë dhe Vorë, në zgjedhjet lokale të 14 majit.

Hoxha u shpreh se Tirana mund të mos jetë është zgjedhur për të kryer votimin dhe numërimin elektronik, pasi duke qenë një bashki e madhe mund të rriste kostot.

“Te Tirana mund të ketë pasur ndikim faktori ekonomik. Duke qenë se Tirana është bashkia më e madhe në vend, dhe kombinimi i Tiranës me një bashki tjetër të madhe rrjedhimisht do të rriste edhe kostot.

Pra do të duheshin më shumë pajisje të cilat do të përdoren për votimin dhe numërimin elektronik dhe ky faktor mund të ketë ndikuar KQZ-në, nisur edhe nga fondi i vënë në dispozicion nga qeveria, që është rreth 2.5 miliardë lekë, buxhet shtesë që i alokohet KQZ-së për të bërë tenderimet e nevojshme për blerjen e pajisjeve që do të përdoren në zgjedhjet e 14 majit”, theksoi ai.

LEXONI GJITHASHTU

• A do shmanget ndërhyrja e krimit në zgjedhje në Elbasan? Gazetari zbulon strategjinë
• Votim dhe numërim elektronik në 3 bashki në zgjedhjet e 14 majit
• Zgjedhjet e 14 majit, Alibeaj dhe Berisha ‘përplasen’ në KQZ për komisionerët