Drejtuesi i Përgjithshëm i Shërbimit Korrektues të Kosovës, Ismail Dibrani, ka reaguar në lidhje me lajmin se i dyshuari për vrasjen e Liridona Ademajt, Granit Plava, është dhunuar në Burgun e Sigurisë së Lartë, ku edhe po qëndron në paraburgim.
Për mediat kosovare ai tha se ka pasur tentativa për ta sulmuar, por nuk është lejuar të shkojë në dhunë, pasi ka ndërhyrë stafi i burgut.
“Në momentin kur kanë tentuar të burgosurit me sulmu, stafi ka reaguar menjëherë dhe e ka parandaluar konfliktin. Nuk ka rrahje. Ka pasur tentim-sulm sepse është burg, dhe rasti është i ndjeshëm, presion i opinionit ka qenë i madh, mund të ketë kërcënime, tentim për sulm, por asnjëherë nuk ka pasur kontakt fizik. Edhe për këtë tentim ne do të themelojmë komisionin hetimor dhe do të dalim me rezultate konkrete”, ka thënë Dibrani për mediat kosovare.
Po ashtu, ai mohoi se i dyshuari për vrasjen e 30-vjeçares ka tentuar të bëjë vetëvrasje.
“Jo. Ka pasur një tentim nga ai i burgosur për ta dëmtuar batanijen në dhomë, në momentin që është hetuar, stafi ka arritur dhe e ka larguar batanijen nga dhoma dhe është zëvendësuar. Nuk ka pasur as tentim për vetëlëndim e as vetëvrasje, në momentin që është vërejtur se batanija është dëmtuar, reagimi ka qenë nga stafi. Sepse këta persona po trajtohen me rrezikshmëri të lartë. Niveli i sigurisë është ngritur”, u shpreh ai.
LEXONI GJITHASHTU:
- Zbukurime artizanale për festa/ Në Gjirokastër rritje të kërkesave për këto punime
- Egjipti në zgjedhje, qytetarët votojnë për presidentin e ri. Kush është favorit
