Vrau e groposi 31-vjeçarin, arrestohet në Itali Agron Tufa

Është arrestuar në Itali Agron Tufa, i kërkuar ndërkombëtarisht për vrasjen e 31-vjeçarit dhe groposjen e tij.

Në vitin 2021, Gjykata e Krujës e ka dënuar këtë shtetas, me 30 vjet burgim, për vrasje me dashje të kryer në bashkëpunim dhe për armëmbajtje pa leje.

“Në vijim të punës gjurmuese me qëllim sigurimin e informacioneve për lokalizimin dhe kapjen e shtetasve në kërkim ndërkombëtar për vepra të rënda penale, Drejtoria për Krimet e Rënda në Departamentin e Policisë Kriminale në Policinë e Shtetit siguroi informacion në lidhje me vendndodhjen e saktë në Bari të Italisë, të shtetasit në kërkim ndërkombëtar Agron Tufa, i dënuar nga Gjykata e Krujës, me 30 vjet burgim”-njofton policia.

Shtetasi Agron Tufa, në bashkëpunim me shtetasin H. R., ka vrarë me armë zjarri në Nikël, Krujë, shtetasin K. H., dhe më pas e kanë djegur trupin e tij.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi, në vendin tonë.

LEXONI GJITHASHTU: 

• Biden e cilëson si “kërcënim të madh” për SHBA-në rizgjedhjen e mundshme të Trumpit
• Cilët autorë preferojnë shqiptarët? Hasani: Ja kush kanë më shumë sukses në panaire