Vuçeviç-ambasadorit britanik: E nevojshme t’i bëhet presion Prishtinës

Kryeministri i Serbisë, Millosh Vuçeviç, ka biseduar këtë të mërkurë me ambasadorin e Britanisë së Madhe në Serbi, Edward Ferguson.

Vuçeviç theksoi se qëllimi i Serbisë është ruajtja e paqes dhe stabilitetit në rajon, duke theksuar se rezoluta për Srebrenicën nuk i kontribuon bashkëpunimit dhe ndërtimit të marrëdhënieve të mira, thuhet në njoftimin e Qeverisë së Serbisë.

Në bisedimet me ambasadorin britanik Vuçeviç tha se është e nevojshme t’i bëhet presion Prishtinës për të vazhduar dialogun në Bruksel.

Më tej kryeministri serb theksoi se ka potencial për forcimin e partneritetit në shumë fusha, veçanërisht në tranzicionin energjetik, si dhe në projekte infrastrukturore

Vuçeviç vuri në dukje se një nga prioritetet e Serbisë është investimi strategjik dhe gjetja e zgjidhjeve të qëndrueshme për arritjen e stabilitetit energjetik përmes energjisë së gjelbër.

Ambasadori Ferguson tha se Britania është veçanërisht e interesuar për bashkëpunim në fushën e energjisë, përkatësisht në burimet e ripërtëritshme të energjisë.

LEXO GJITHASHTU:

• A do ketë ndryshim të kufijve? Shea: Kujdes nga Parlamenti  e Bota Serbe
• Haradinaj: Hapja e Urës së Ibrit, përgjigjja më e mirë për “kuvendin gjithëserb”