Vuçiç: Askujt nuk i duhej vdekja e policit shqiptar, nuk mund ta justifikoj

Presidenti i Serbisë Aleksandër Vuçiç ka dalë në një deklaratë për mediat pas situatës në Veri të Kosovës, ku një polic mbeti i vrarë si dhe tre sulmues.

Ai theksoi se në asnjë mënyrë nuk e fal vrasjen e policit në Kosovë dhe as që do e justifikoj ndërsa lëshoi akuza ndaj kreut të qeverisë së Kosovës, duke thënë se ai është organizatori i kaosit.

Më tej ai nënvizoi se policia e Kosovës ka përdorur snajperë dhe goditën shtëpi private në Banjskë.

“Në asnjë mënyrë nuk dua ta fal vrasjen e një polici shqiptar dhe as nuk mund ta justifikoj. Është absolutisht e dënueshme dhe është diçka që nuk i duhet askujt, Kurti është organizatori kryesor i kaosit në KiM dhe nuk ka rrugëdalje.

Edhe pse folëm shumë herë për këtë, edhe pse çdo ditë paralajmëroja si në Bruksel ashtu edhe në Nju Jork se e gjithë kjo mund të ndodhte, pak njerëz vendosën të dëgjojnë. Serbët dhe jo njerëzit nga Serbia qendrore, siç gënjyen në mediat e Prishtinës, vuajnë nga terrori i Kurtit.

Ndaj tyre u krye një sulm brutal dhe ne në fillim menduam se pse nuk e bëri KFOR-i, do të kishte më pak viktima. Sipas informacioneve që disponojmë, thuhet se tre serbë kanë vdekur në Kosovë. Dy sigurisht nga zjarri snajper, kur nuk ishte e nevojshme që të likuidoheshin. Dy mbetën të plagosur rëndë, ndërsa frika se ka mbetur i vrarë edhe personi i katërt. Ne ndoqëm, përgjuam se çfarë po bënte policia shqiptare, do t’ju tregojmë provat, ndoshta edhe gjatë konferencës, presim vetëm përkthimin.

Ata përdorën snajperë dhe goditën shtëpi private në Banjskë, ku nuk kishte njeri, ku ishin ulur pleq në shtëpi. Sipas informacioneve tona, ata persona kanë ardhur në Manastirin e Banjskës pasi kishin dy të rinj të cilët ishin lënduar dhe kishin nevojë për ndihmë . Kjo ishte arsyeja pse ata e bënë atë. Pastaj revolucioni i rrotullimit filloi këtë mëngjes. Njëherë u shkoi në mendje që të akuzonin sërish Serbinë. Thonë se është mjet xhandarmërie . Nuk është një mjet i xhandarmërisë”-tha ai.

LEXONI GJITHASHTU: 

• Homazhe për policin e vrarë në Kosovë, i pranishëm Kurti: Afrimi u vra mizorisht
• Sulmi me armë në Veri, Vuçiç deklaratë për mediat: Ditë e vështirë për popullin tonë