Mersel Bllali, ekspert në Maqedoninë e Veriut, foli në Euronews Albania lidhur me situatën e Vuçiç i cili po insiston për të dalë kundër Europës për të ikur në Moskë së bashku më një njesi ushtarake serbe.

Eksperti bëri një analizë nëse Europa do ta lejojë diçka të tillë apo do të ketë një reagim.

“Vuçiç është mjeshtër për ta lexuar kohën dhe momentin se çfarë duhet bërë.

Me ardhjen e Trump në pushtet dhe ndryshimin e politikës së SHBA-ve, posaçërisht ndaj BE-së, Vuçiç sikur fiton një liri dhe bën deklarata të tilla. Por a kemi ne një deklaratë nga Përfaqësuesja e Lartë për Politikë të Jashtme dhe Siguri, Kaja Kallas e cila kishte potencuar që Serbia të harrojë BE-në nëse në maj merr pjesë në paradën e Moskës. Kallas është estoneze, vjen nga një shtet që ka pësuar vuajtje të mëdha në kuadër të Rusisë.

Uninoni Europian është i lodhur nga lojërat e dyfishta që i bëjnë disa shtete anëtare. Këto lojëra mund të sjellin aspekte negative për funksionimin por dhe ekzistencën e BE-së. Këto janë segmente që Unioni Europian në këtë situatë që është, ndjehet si e lëshuar nga një forcë dhe nuk dëshiron të ndeshet me logjikën e një orbani tjetër sic është Fiço i Sllovakisë. Jam i bindur se Unioni Europian do të jetë më e ashpër kundër çdo afirmimi dhe bashkëpunimi të segmenteve të ndryshme që lidhen me Rusinë”, tha eksperti Mersel Bllali.