Vuçiç para takimit me Kurtin: Presim ditë të vështira

Presidenti i Serbisë, Aleksandër Vuçiç ka njoftuar se Serbia po përballet me kohë sfiduese dhe për këtë arsye të gjithë duhet të jenë të bashkuar dhe siç tha ai “të mbrojnë interesat e vendit”.

Vuçiç shkroi ne rrjetet sociale se gjatë kësaj periudhe u dëshmua se rezultatet e mira arrihen me këmbëngulje.

“Na presin kohë sfiduese, prandaj duhet të jemi të bashkuar, punëtor, të mbrojmë interesat e Serbisë dhe të japim kontributin maksimal në zhvillimin e saj”, tha Vuçiç.

E gjithë vëmendja është përqendruar tek takimi I 14 shtatorit, edhe pse analistet duken skeptikë për rezultatin e këtij takimi në zbatimin e marrëveshjes së Brukselit dhe të Ohrit.

Kohet e fundit është vënë re një presion i madh i aleatëve ndërkombëtarë, SHBA-së dhe BE-së, do të ketë mundësi që para zgjedhjeve në këto dy vende që do të mbahen vitin e ardhshëm, të arrihet normalizimi i raporteve Kosovë-Serbi.

Kurti dhe Vuçiç janë takuar për herë të fundit më 2 maj, nëntë ditë pas zgjedhjeve të jashtëzakonshme në veri të Kosovës, të cilat janë bojkotuar nga popullata lokale serbe. Nga ajo kohë, mes dy vendeve ka pasur një sërë tensionesh dhe krizash

LEXONI GJITHASHTU: 

• “Kurti e Vuçiç kanë prioritete të tjera, jo dialogun”, analisti: Në shtator takohen
• Kurti-Vuçiç bashkë më 14 shtator, Borrell konfirmon takimin mes dy liderëve