“Xhesi jeton brenda nesh”, shoqet e shkollës kujtojnë 16-vjeçaren e vrarë nga i ati

Një banderolë e bardhë me shkrim të zi, ku shkruhej: ‘Xhesi jeton brenda nesh përgjithmonë” ishte vendosur sot nga shoqet e klasës së Jessica Malajt në gardhin e jashtëm të shkollës së mesme klasike Isiss ‘Fiani-Leccisotti’.

Më pas në orën 9.45 ra zilja e shkollës për një minutë heshtje dhe të gjithë – studentë, mësues dhe personel administrativ – u ndalën për të kujtuar në heshtje 16-vjeçaren që humbi jetën në mënyrë tragjike.

Ngjarja e rëndë tronditi të dielën Italinë, ku 45-vjeçari shqiptar Taulant Malaj ekzekutoi shtetasin italian Massimo De Santis, plagosi bashkëshorten si dhe vrau të bijën 16-vjeçare.

Malaj dyshonte se bashkëshortja e tradhtonte me shtetasin italian Massimo De Santis, me të cilin u ndesh në shkallët e pallatit ku banonte.

Malaj ka nxjerr thikën dhe e ka ekzekutuar në vend italianin. Më pas ai është ngjitur në banesë ku ka tentuar të vrasë bashkëshorten e tij.

E bija, Xhesika ka dalë para të ëmës, duke marrë goditje me thikë nga babai i saj, të cilat i shkaktuan vdekjen. Tefta Malaj, bashkëshortja e Taulantit u plagos rëndë, por mundi t’i shpëtonte plagëve të marra dhe ndodhet jashtë rrezikut për jetën në spital.

LEXONI GJITHASHTU:

• Vrasja e 16-vjeçares nga babai shqiptar në Itali, reagon drejtoresha e shkollës
• U fsheh pas divanit, si i shpëtoi 5-vjeçari babait që i vrau motrën e plagosi nënën