Zbulohet grupi i Kosovës në Kupën e Botës 2026, nëse kualifikohet në “Play-Off”

Shorti ka zbuluar skenarin e mundshëm për “Dardanët”, nëse sigurojnë kualifikimin përmes “play-off”-it, ata do të vendosen në një grup mjaft sfidues me Shtetet e Bashkuara të Amerikës, Australinë dhe Paraguajin.

Ky Botëror shënon një kapitull të ri në historinë e futbollit, pasi për herë të parë turneu do të ketë 48 skuadra dhe do të organizohet njëkohësisht në SHBA, Meksikë dhe Kanada, në gjithsej 16 qytete pritëse. Ceremonia e shortit nisi këtë të premte në orën 18:00 sipas orës shqiptare.

Për Kosovën, një kualifikim në këtë edicion do të ishte debutimi i saj historik në Kupën e Botës, duke e çuar ekipin drejt sfidave të një grupi të fortë dhe ndaj një prej vendeve organizatore.

LEXONI GJITHASHTU:

• Dokumentari Kosova barishte të reja,shpirt i vjetër prezantohet në Berlin
• Shqipëria dhe Kosova me sytë nga SHBA, nesër hidhet shorti i Kupës së Botës 2026