FOTO| Zbulohet mesazhi që Berisha la me shkrim dore në shkresën që firmosi në SPAK

Kreu i Partisë Demokratike, Sali Berisha, u paraqit mëngjesin e kësaj të hëne në Prokurorinë e Posaçme, në zbatim të masës së detyrimit për paraqitje, të vendosur nga Apeli i GJKKO më datë 3 janar.

Euroneës Albania ka siguruar shkresën që Berisha ka firmosur gjatë kësaj paraqitjeje, në praninë e oficerit të policisë gjyqësore, Endri Meçi. Krahas firmosjes së dokumentit, Berisha ka lënë një mesazh drejtuar gjyqtarëve dhe prokurorëve, duke e përdorur këtë mundësi për të shprehur pakënaqësinë e tij ndaj institucioneve të drejtësisë.

Në mesazhin e tij, Berisha sulmon gjyqtarin që i riktheu masën e sigurisë dhe nënvizon se do të vazhdojë të denoncojë lidhjet e organit të akuzës me krimin e organizuar.

Ai shkruan: “Ky është një akt i turpshëm politik me të cilin prokuroria, në kundërshtim me Kushtetutën, kërkon të më ndalohet fjala e lirë, dhe një gjykatës kukull i Partisë vendosi sipas kërkesës së tyre. Unë kam denoncuar dhe do të denoncoj bashkëpunimin e Dumanit e kompani me krimin, si një organizatë kriminale.”

EXONI GJITHASHTU:

• “O Sali, o hero”- Berisha paraqitet në SPAK i rrethuar nga mbështetësit
• Policia rrethon SPAK-un, Berisha do të duhet të paraqitet para oficerit gjyqësor