“Zef Deda ka kërkuar të më takojë, e mora vesh pas vdekjes”, flet Sandër Ruçi

Aktori Sandër Ruçi ishte këtë të hënë i ftuar në “Good Morning Albanians” për të folur për marrëdhënien e tij me aktorin e madh Zef Deda.

Ai tha se kishte 20 vite pa e takuar aktorin e madh, madje edhe kur kanë dalë përballë nuk janë përshëndetur, pavarësisht se sipas tij, vetëm ai e ka ditur se çfarë ka mbajtur në zemër.

Sipas tij aktori Zef Deda ka kërkuar ta takonte para se të ndërronte jetë, por kjo nuk i është bërë e ditur në kohën e duhur.

“Nuk e kam takuar por edhe kur e kam takuar qoftë edhe ballazi nuk e kam përshëndetur. Unë e di se çfarë kam mbajtur në zemër. Në një bashkëbisedim që kam bërë me gruan në Amerikë, e cila kishte rënë në kontakt me Rozin, ajo më tha se Zefi më kishte përmendur dy javë para, më kishte kërkuar dy ja vë para.

Në këtë rast fajin e ka Rozi, se nëse më ka kërkuar kërkesa e këtij personi i cili e di se po shkon në botën tjetër, është si detyra e priftit duhet të më kishin thënë, se më ka mbetur një fije peng. Unë mesa pata me shpirt e njerëzisht e bëra”,-tha aktori Sandër Ruçi.

LEXONI GJITHASHTU:

• Agron Llakaj: Arti i Zef Dedës ka lënë të qeshurën mbrapa
• Basha, mesazh ngushëllimi për ndarjen nga jeta të aktorit të madh Zef Deda