Gazetari Milaim Zeka është shprehur se SHBA dhe aleatët e perëndimit janë të nevrikosur dhe të zhgënjyer nga kryeministri Albin Kurti dhe reagimet e tij.
Në një intervistë për Euronews Albania, Zeka theksoi se Kurti po bën një lojë të çuditshme ndërsa ka theksuar se qytetarët e Kosovës po i gënjen o kreu i qeverisë ose zyrtarë të lartë të BE-së.
“Takimi i djeshëm dha rezultate, u nënshkruan disa marrëveshje, por SHBA, aleatët e Perëndimit dhe BE, janë të nevrikosur dhe të zhgënjyer me Kurtin dhe reagimin e tij. Marrëzia e këtij njeriu shkon deri atje sa në kohën kur po luftojmë për një marrëveshje finale me Serbinë, ky e ka zbritur dialogun botëror nga marrëveshja finale te problemi i targave të makinave. Kurti është duke bërë një lojë të çuditshme. Ose zyrtarë të lartë të BE po I gënjejnë qytetarët e Kosovës ose Kurti.”- tha ai.
Me tej ai theksoi se vendimi i serbëve për targat, aktualisht nuk paraqet asnjë lloj problemi.
“Serbët do i ndërrojnë tabelat e tyre vetëm në momentin kur Amerika dhe BE do bindin Vuçiç-in që të ju thotë serbëve që prej sot duhet t’i keni tabelat me regjistrim të Kosovës. Veriu i Kosovës është një vendim politik dhe jo ushtarak.”- shtoi ndër të tjera gazetari.
LEXONI GJITHASHTU:
- Dhunimi i të moshuarës në Pejë, Zeka: Kam takuar djalin e saj dëshmor në luftë
- Dhunë ndaj nxënësve në shkollën e Bilishtit, pezullohet nga detyra mësuesi
