Zelensky: Perëndimi do na ndihmojë të rindërtojmë vendin

“Do të ketë një Plan të ri Marshall për Ukrainën. Perëndimi do të krijojë një paketë mbështetjeje. Këtë e tha sot kryeministri britanik, një njeri i fjalës dhe mik i sinqertë i Ukrainës”.

Kështu deklaroi mbrëmjen e së martës presidenti i Ukrainës Volodymyr Zelensky në një video-mesazh shpërndarë në profilin e tij në Telegram.

Plani Marshall ishte një iniciative e krijuar pas Luftës së Dytë Botërore për rindërtimin e Europës perëndimore dhe një përpjekje për të zmbrapsur ndikimin e komunizmit në kontinent.

“Jemi në pritje të sanksioneve më të ashpra nga Bashkimi Europian. Kundër Rusisë. Për këtë luftë. Për këtë agresion, autorët e të cilit do të pendohen. Kjo është e sigurt. Ndaj është kaq e rëndësishme që udhëheqja ruse të kuptojë se bota do të ndjekë shembullin e SHBA, Britanisë, BE, Kanadasë, Australisë, Japonisë dhe vendeve të tjera të lira. Bota nuk mund të mashtrohet. Sanksionet janë të pashmangshme”, tha Zelensky.

Ai gjithashtu falenderoi qytetarët rusë që janë në anën e atyre që mbështesin paqen.

“I jam mirënjohës rusëve që na mbështesin, të cilët dolën në rrugë dhe luftuan. Ata luftojnë çdo ditë për ne dhe veten e tyre, sepse ne po luftojmë për paqe”.

“Lufta duhet të mbarojë. Ne duhet të ulemi në tryezën e dialogut – me ndershmëri – në interes të popujve tanë, e jo të interesave të vjetra vrastare”, përfundoi presidenti i Ukrainës.

LEXONI GJITHASHTU:

• Përditësime LIVE 9 mars: Mbi 5 mijë civilë të evakuuar mbërrijnë të sigurt
• “Do të luftojmë deri në fund”, Zelensky fjalim në parlamentin britanik