Zgjedhjet e 11 majit, Gonxhja: Ja sa mandate synojmë të marrim në Tiranë

Ministri i Ekonomisë, Kulturës dhe Inovacionit, Blendi Gonxhja ishte këtë të hënë i ftuar në “Now me Erla Mëhillin” në Euronews Albania ku tregoi pritshmëritë e tij për zgjedhjet parlamentare të 11 majit.

Gonxhja tha se do të ishte i kënaqur nëse PS do arrinte të merrte 20 mandate e sipër në Tiranë, ndërsa për votat personale, ai u shpreh se është e vështirë të llogaritet pragu i votave të nevojshme për tu bërë deputet.

“Do të ishte një rezultat shumë i kënaqshëm nëse do shkonim në 20 mandate dhe mbi në Tiranë. Për votën personale, ka vështirësi. Nëse do kishte një votë më të barazndara do kishte një prag natyrisht më të vështirë për tu kapur, sepse do kishte shumë veta pranë njëri-tjetrit për të kaluar pragun.

Këto zgjedhje nuk kanë më prag zyrtarisht, që ta dish për sa do duhet të luftosh dhe duke marr parasysh riskun dhe punën e përditshme, njerëzit janë “të bombarduar”. Ata po trokiten çdo ditë nga çdo lloj mundësie penetrimi dhe është normale dhe brenda një familje ka ndarje që të mos prishen me të njohurit. Është një dinamikë e lëvizshme deri në ditën e fundit”,-tha Gonxhja.

LEXONI GJITHASHTU:

• “Roja 58-vjeçar dyshohet se u vra për 1 mijë metra tokë” – Gazetari jep detaje…
• Vrasja e 58-vjeçarit në Vlorë, kamerat filmuan autorin, 2 pistat ku po hetohet