Zgjedhjet e 11 majit, ku do bëhet votimi elektronik? Zbulohen 3 skenarët e KQZ

Komisioni Qendror i Zgjedhjeve ka gati tre skenarët për votimin elektronik në zgjedhjet parlamentare të 11 majit. KQZ do t’u vendosë në tavolinë partive politike tre drafte për të nisur negociatat se si do implementohet votimi elektronik në zgjedhjet e ardhshme parlamentare.

Më herët KQZ kishte propozuar zbatimit të votimit dhe numërimit elektronik në gjithë qarkun e Tiranës dhe të Durrës, por ky variant tashmë ka rënë. Ndërkohë që nga ana tjetër nga PD ka pasur kundërshti për implementimin e votimit dhe numërimit elektronik, për shkak se pretendon se në dy implementimet e para të teknologjisë ka pasur raste që është cenuar besueshmëria e procesit dhe fshehtësia e votës

Gazetari i Euroneës Albania Ardit Hoxha, ka siguruar tre draftet me tre skenarët e mundshëm.

Skenari 1: Votim elektronik ne Tiranë, njësitë adm nr.1, nr.3, nr.5, nr.8, nr.9, nr.10 në qytet, si edhe njesitë, Bërxull, Prezë dhe Bashkia Vorë.

Skenari 2: Votim elektronik në tiranë në njësite adm nr.2, nr.3, nr.5, nr.9, nr. Bërxull, Prezë dhe në Bashkinë Vorë.

Skenari 3: votim dhe numërim elektronik në Tiranë në njësitë administrative nr.5 dhe nr.10 Bërxull, Prezë, në Bashkinë Vorë, si dhe në rajonet 1,2,3,4,5 në Durrës.

LEXONI GJITHASHTU:

• Zgjedhjet në Gjermani, si do ndikojnë në të ardhmen e Evropës
• SPAK në terren për zgjedhje, publikon srategjinë e hetimit: Si do kryen denoncimet