Zgjerohet qeveria në RMV, koalicion i gjerë në pritje të zgjedhjeve të parakohshme

Sot pritet të fillojnë bisedimet mes qeverisë së  kryeministrin Dimitar Kovaçevski dhe ekipit negociues të Aleancës për Shqiptarët për përfshirjen e mundshme të kësaj partie në qeveri.

Të dy palët janë shprehur se fillimisht në këto bisedime do të duhet të merren vesh për programin qeverisës ndërsa në fund të flasin edhe për ndarjen e posteve. Përveç kryetarit Taravarit, në ekipin negociues të ASH-së është edhe ish-kryetari Ziadin Sela.

Ndërkaq, nga LSDM-ja nuk japin detaje se kush do të përfaqësojë qeverinë në këto takime, por thonë se vendit i nevojitet një shumicë me të gjitha partitë politike që janë për anëtarësimin e vendit në BE.

Nga ana tjetër Aleksandar Nikolovski nga partia opozitare VMRO-DPMNE akuzoi  Taravarin se mund të jetë i shantazhuar prandaj po detyrohet të përfshihet në qeveri.

I menjëhershme ishte reagimi nga Aleanca për Shqiptarët, të cilët mes tjerash i bëjnë thirrje opozitës maqedonase të reflektojë pasi siç thonë, lider i tyre vijon të jetë azilanti Nikola Gruevski.

LEXONI GJITHASHTU:

• Kovaçevski dhe Osmani: S’ka urrejtje dhe histeri antibullgare në RMV
• Tensionet RMV-Bullgari | Shkupi s’e tërheq ambasadorin në Sofje, BE apel për qetësi