Behar Bajri ëshët ekstraduar sot nga Franca nën masa shumë të rrepta sigurie. 43-vjeçari i kërkuar ndërkombëtarisht nga SPAK për operacionin “Metamorfoza” duhet të sillej nga Franca në Shqipëri mbrëmjen e të mërkurës, por vetëm mëngjesin e sotëm ai ka shkelur tokën shqiptare.
Gazetari Igli Çelmeta tregoi në një intervistë për Euronews Albania se sipas SPAK Bajri akuzohet për vrasjen e Gjin Boriçit në Vaun e Dejës në 2020 për llogari të Vis Martinajt.
“Dyshohet se Pëllumb Gjoka ka porositur Behar Bajrin për vrasjen e Kleanti Musabelliut dhe ky i fundit ka shkëmbyer objektivat me Vis Martinajn dhe Musabelliun do ta ekzekutonte ky i fundit, një vrasje që nuk është kryer. Të gjitha këto janë zbardhur nga zbërthimi i aplikacionit SKY. Do jetë një beteje e fortë e avokatëve mbrojtës dhe SPAK pasi janë vetëm komunikimet në aplikacionin Sky dhe nuk ka prova të tjera shkencore si shenja të gishtërinjve për të arrestuar persona të caktuar për një vrasje”, tregoi gazetari.
Ai tregoi se në vitin 2021 Behar Bajri ka treguar azil në Francë por është refuzuar.
LEXONI GJITHASHTU:
- Ekstradimi i Behar Bajrit nga Franca, reagon ministri i Brendshëm Taulant Balla
- Ekstradohet Behar Bajri, ja kur do të mbërrijë në Shqipëri
