Shpërthen autoboti në një pikë karburanti, plagosen dy punonjës

Një autobot me karburant ka shpërthyer në autostradën Tiranë-Durrës teksa një shofer ka qenë duke u furnizuar me karburant.

Për pasojë shoferi është plagosur rëndë. Ngjarja ka ndodhur te “Gega Oil” teksa si pasojë e shpërthimit është krijuar radhë e gjatë automjetesh.

Zjarrfikëset janë në vendngjarje dhe aktualisht situata është nën kontroll.

Njoftimi i policisë:

Rreth orës 14:00, në autostradën Durrës-Tiranë, në një pikë karburanti, është përfshirë nga flakët një automjet që transporton karburant.

Për pasojë janë lënduar shtetasit Xh.K., 20 vjeç, banues në Kamëz dhe shtetasi E.P., rreth 35-vjeç, (të dy punonjës të karburantit), të cilët janë trasportuar në spital për ndihmë mjekësore.

Ndërhyrja në kohë e shërbimeve zjarrfikëse dhe Policisë ka izoluar flakët duke shmangur përfshirjen nga zjarri të çisternave me karburant.

Shërbimet e Policisë evakuan në kohë, personat e tjerë që ndodheshin rreth zonës në rrezik.

Zjarri është shuar tërësisht dhe lëvizja e mjeteve në të dy krahët e autostradës po vijon normalisht. Grupi hetimor ndodhet në vendngjarje dhe po punon për zbardhjen e rrethanave të ngjarjes.

LEXONI GJITHASHTU:

• Aksident me 2 të lënduar në aksin Korçë-Pogradec
• Aksident në Palasë-Dhërmi| Përplasi disa makina me kamion arrestohet 29-vjeçari