10 kg kanabis brenda ‘Audi-t’, arrestohen 3 persona, 5 të tjerë në kërkim

Policia e Elbasanit ka finalizuar operacionin “Aksi”, ku janë sekuestruar 10 kg kanabis dhe 1 armë zjarri pistoletë.

Në prangat e policisë kanë rënë 3 persona, Ledio Gjonaj, 23 vjeç, B. F., 28 vjeçe dhe Grigor Papathanas 33 vjeç.

Gjatë aksionit, policia ndaloi automjetin tip “Audi”, me shofer Ledio Gjonaj dhe pasagjere B. F. Gjatë kontrollit në bagazhin e automjetit u gjetën 10 kg kanabis, që këta shtetas po e transportonin nga Korça në drejtim të Elbasanit.

Në afërsi të këtij automjeti u kap dhe u ndalua edhe shtetasi G. P., i cili nga veprimet hetimore ka rezultuar bashkëpunëtor me 2 shtetasit e lartpërmendur.

Ndërkohë gjatë kontrollit të banesës së 33-vjeçarit u gjet një armë zjarri pistoletë dhe një sasi të vogël lënde të dyshuar narkotike cannabis sativa, në formë çokollate.

Ndërkohë janë shpallur në kërkim edhe 5 persona të tjerë.

Materialet i kaluan Prokurorisë pranë Gjykatës së Rrethit Gjyqësor Elbasan, për veprime të mëtejshme.

LEXONI GJITHASHTU:

• Si i dha fund jetës Sokol Halili, në banesë iu gjet edhe një predhë
• Vrau ish-gruan shtatzënë para maternitetit të Prishtinës, vret veten 31-vjeçari
• Përplasen dy makina në aksin Pogradec-Korçë, mjeti përfundon në kanal