Avokati: Si SPAK kontrolloi shtëpinë e bashkëjetueses së Ahmetaj pa mandat

Bashkimi i tre veprave penale në një të vetme në rastin e ish- zëvendës Kryeministrit Arben Ahmetaj është quajtur një veprim rutinë i prokurorisë nga avokati Redi Ramaj.

I ftuar në Euronews Albania avokati tregoi gjithashtu se si arriti SPAK në shtëpinë  e zotit Ahmetaj, i cili kishte imunitetin e deputetit.

Sipas tij duke qenë se shtëpia ishte në emër të bashkëjetueses së ish-zëvendës Kryeministrit, dhe ajo nuk bën pjesë në imunitetin e Kuvendit, BKH ka të drejtën e ushtrimit të kontrollit.

“Unë mendoj se ajo është person nën hetim. Por kontrolli i banesës, nëse është bërë apo jo sipas ligjit, kjo lidhet me imunitetin e zotit Ahmetaj.

Zoti Ahmetaj për shkak të imunitetit të tij nuk mund të jetë ushtrohet kontroll banese pa u marrë miratimi i Kuvendit të Shqipërisë.  Por BKH thotë se zonja Erjola Hoxha bashkëjetuese e tij, nuk është subjekt i imunitetit të kuvendit, pra nuk ka nevojë për kërkesë për të kontrolluar banesën e saj”,- tha avokati Redi Ramaj.

LEXONI GJITHASHTU:

• “Çështje orësh”, gazetari: SPAK-u do kërkojë arrestimin e Arben Ahmetajt
• Pastrimi i parave| Tabaku: 6 në 10 kompani nuk kanë burime financimi për të ndërtuar