Avokati: Të kryhet një hetim i plotë, të gjendet si hyri arma në burg

Problemet e sigurisë në burgun e sigurisë së lartë në Peqin evidentohet në një letër të që drejtori i komanduar i burgut të Peqinit Kamber Hoxha dhe shefi i policisë së burgut të Peqinit Nikolin Gjonpalaj i dërgon drejtorit të Përgjithshëm të Burgjeve Admir Abrija. Letra mban datën 30 nëntor 2023, pikërisht 15 ditë përpara se Sokol Mjacaj të vriste Arben Lleshin dhe bëhet e qartë që të burgosurit kanë privatizuar burgun.

Avokati Redi Ramaj tha në emisionin GoodMorning Albanians në Euronews Albania se ministri i Drejtësisë duhet të dorëhiqet pas ngjarjes në burgun e Peqinit që ka cenuar rëndë sigurinë.

Avokati kërkoi një hetim të plotë nga ana e prokurorisë në mënyrë që të gjendet mënyra si ka hyrë arma në ambientet e burgut.

“Emaili tregon se drejtori i burgut ka gjetur një situatë jo normale në këtë burg. Unë jam për një hetim të prokurorisë jo si herët e tjera, të kryhet hetimi që të zbardhet skema si ka hyrë arma në burg. Mosfunksionimi i kamerave dhe skanerit është drejtpërdrejt përgjegjësi e drejtuesve që e kanë menaxhuat atë institucion ndër vite. Është përgjegjësi politike, duhet të kishim një dorëheqje të ministrit të Drejtësisë, që është përgjegjës drejtpërdrejtë për institucionet e vuajtjes së dënimit. Reagimi i ministrit ishte krejt jashtë moralitetit, në çdo vend tjetër pas ngjarjeve të tilla ka pasur dorëheqje”, tha avokati.

LEXONI GJITHASHTU:

• U plagos në burgun e Peqinit, Indrit Shaqja arrestohet. Çfarë i gjetën në qeli
• Vrasja e Arben Lleshit në burgun e Peqinit, zbardhet dëshmia e drejtorit Hoxha