23-vjeçari me sindromën Down: Nuk munda të studioja për sporte, nuk u pranova

Gersi, 23-vjeçari me sindromën Down tha se dëshira e tij ishte të futej në universitetin e Sporteve për të studiua, por aty hasi disa probleme.

I ftuar në emisionin “Good Morning Albania”, ai tha se arsyeja sepse nuk u pranua ishte mungesa e kuotave.

“Në fakt Emanula ka të drejtë sepse unë kam hasur problematik te universiteti  i sporteve. Doja të vazhdoja te Universtiteti i Sporteve, por aty hasëm disa probleme. E para nuk na thanë kuotat. Thanë që nuk kishin kuota. Pastaj aty na kërkuan edhe një test fizik, por unë nuk mund ta bëj këtë”,-tha për Euronews Albania, Gersi Troka.

Ndërkohë nëna e 23-vjeçarit tha se problemi nuk është vetëm te kuotat, por autonomia e universitetit i lejon ata të luajnë një lloj ‘ping-pongu’ me Ministrinë e Arsimit.

“Problemi i autonomisë së universitetit i lejon ata të luajnë ping-pong me ministrinë e Arsimit, se ministria e arsimit thotë që është autonomia e universiteti, ndërsa universiteti thotë se është detyrë e ministrisë që të caktojë kuota për aftësinë e kufizuar intelektuale, sepse për aftësinë e kufizuar fizike ka kuota, por për aftësinë e kufizuar intelektuakle, jo”-tha për Euronews Albania nëna e 23-vjeçarit me sindromën Down.

LEXONI GJITHASHTU

• “Luftoja me të pamundurën”, flet e ëma e 23-vjeçarit me sindromën Down
• “Një vajzë flokëkuqe, lëkurëbardhë”, fotografi tregon kush ishte ky personazh…