“Luftoja me të pamundurën”, flet e ëma e 23-vjeçarit me sindromën Down

Mirela Troka, e ëma e Gersi Trokës, kampionit të notit me sindromën Down, ka treguar për vështirësitë që ka kaluar për trajtimin e kësaj sëmundjeje të djalit të saj.

Në emisionin “Good Morning Albanians” në Euronews Albania, Mirela tha se fillimi ishte mjaft i vështirë, pasi 23 vite më parë, kur u lind Gersi, nuk kishte informacione të shumta për sindromën Down.

Mirela shtoi se ajo ka luftuar me veten e saj dhe donte të bënte të pamundurën që Gersi të zhvillohej.

“Filllimet kanë qenë të vështira. Nuk kishim informacion sesi trajtohen personat me sindromën Down, kemi bërë me ndihmën e familjes. Kemi studiuar çdo gjë, çfarë  mund të bëhet më mirë. Pak e vështirë, bëhet fjalë 23 vite më parë.

Ishte e vështirë,në ato kohëra nuk ka pasur këtë zhvillim për mënyrën e trajtimit të personave me sindromën Down. Luftoja me veten time dhe thoja që do bëja të pamundurën që Gersi të arrinte zhvillimin e tij”, theksoi ajo.

LEXONI GJITHASHTU

• Zaimi: Personat me sindromën Down nuk duhet të trajtohen sikur po bën bamirësi
• “Traumat nga fëmijëria”, stomatologia: Të rriturit e kanë më shumë frikë dentistin
• Stomatologia: Dhëmbët duhen larë për jo më pak se 2 minuta