3 mijë gra të dhunuara në vit, shumica e denoncimeve për dhunë fizike dhe seksuale 

Këto fotografi të kryera nga një fotograf i huaj janë dëshmi e zhvillimit të barazisë gjinore në vendin tonë ndër vite.

Fatkeqësisht, edhe pse në 2022, gratë dhe vajzat, janë më shpesh viktimë e dhunës.

“Nëse më parë gratë që denonconin ishin 50-60 vjeç dhe kishin vite që e duronin dhunën, shohim që fasha është ulur, kemi 20-30-40 vjeçe këto janë ato grupmosha që denoncojnë më shpesh. Kjo d.m.th që gratë nuk e trajtojnë më dhunën si diçka private që ngel brenda mureve të shtëpisë”, thotë Ejnxh Pepa, koordinatore e linjës “alo 116”.

Vetëm për vitin 2022, mbi 3000 gra dhe vajza kanë kërkuar ndihmë, pasi ishin të dhunuara, jo vetëm nga bashkëshorti, por dhe familjarë të tjerë.

16 ditët e aktivizimit ndaj dhunës bënë bashkë të rinj të grupmoshave të ndryshme. Secili tregoi mbi dhunën që janë hasur më shpesh.

“Dhuna sot po degradon në çdo lloj forme. Shoh që bullizojnë njëri-tjetrin, e hasim çdo dite. Mua nuk më ka ndodhur. Për të ardhur keq është se shumica e përkrahin dhe nuk flasin”, thotë një vajzë.

Edhe pse të rinj në moshë, ata u bëjnë thirrje të gjithëve që të reagojnë para se të jetë shumë vonë.

LEXONI GJITHASHTU:

• Ambasada britanike reagon pas sulmit ndaj Berishës: Dhuna s’ka vend në demokraci
• Dhuna ndaj të moshuarës, prokurori: Të pandehurat mundohen të justifikojnë ngjarjen